Татарстан белән Башкортстанны сәнгатькәрләр берләштерә алырмы?

21 март Казанда "Дуслык күпере" татар-башкорт эстрадасы фестиваленә багышланган матбугат очрашуында тел мәсьәләсе дә күтәрелде. "Татар, башкорт телен иң авыр елларда да дин һәм җыр-моң саклап калган, бу фестивальнең төп бурычларының берсе - телне саклау", диде оештыручы Рифат Фәттахов. Башкортстанда иҗат итүче бер төркем татар язучылары да бу көннәрдә Казанда очрашулар үткәрә.