Казанда милли телләрне укытуны ихтыярига калдыру канун өлгесенә каршы митинг узды

Митингта резолюция кабул ителде. Милли телләрне ихтыярига калдыру турындагы канун өлгесе Русия Думасында көн тәртибеннән алынырга тиеш дигән таләп куелды. Бу таләпне Татарстаннан булган депутатлар Думага һәм аның җитәкчесе Вячеслав Володинга җиткерергә тиеш диелә резолюциядә.