Новости за 29.07.2024

Түбән Камада «Рубаха» инклюзив арт-кластеры һәм Ринат Вәлиев җитәкчелегендәге Азнакай яшьләр радиостанциясе тарафыннан оештырылган «Космонавты на связи с Рубахой» чарасы узды. Бу хакта Түбән Кама муниципаль районы рәсми сайтында хәбәр ителә.

Ял көннәренә кадәр Татарстанда яңгырлы һәм яшенле тотрыксыз һава торышы урнашачак. Бу турыда Татарстан Гидрометеорология үзәге тараткан фараздан билгеле булды.

Яшел Үзән районы хакимияте Волгоград өлкәсендәге тимер юл кичүендә юл-транспорт һәлакәтендә зыян күрүчеләргә барлык кирәкле ярдәмне күрсәтергә әзер. Бу хакта район башлыгы Михаил Афанасьев белдерде.

Татарстанда калдыкларны эшкәртә торган өч яңа комплексны Лениногорск, Питрәч һәм Тукай районнарында төзү мөмкинлеге билгеле булды. Объектларны проектлау участоклары тарихи-мәдәни экспертиза узган, документларны Татарстан Мәдәни мирас объектларын саклау комитеты чыгарган.

Россия гражданлыгы алучылар өчен хәрби хезмәт узу вакыты ике елга кадәр һәм хәрби хезмәткә чакырылу яше арттырылырга мөмкин. Бу хакта Дәүләт Думасы матбугат хезмәте хәбәр итә.

2023 елның 21 декабрендә ачылган М12 «Көнчыгыш» түләүле юлы буенча сәфәрләр саны 15 миллионга җиткән. Бу хакта Россия вице-премьеры Марат Хөснуллин Телеграм-каналында хәбәр итте.

Волгоград янында рельслардан чыккан поезд пассажиры һәлакәттән соң беренче минутлар турында сөйләде. Төркемнәрнең берсендә һәлакәт турындагы хәбәргә комментарийларда ул: «Иң мөһиме – исән», - дип язган. «Татар-информ» хәбәрчесе Дмитрий Шатров белән әңгәмәдә кыз һәлакәт нечкәлекләре белән уртаклашты.

«Изгелек тартмасы» волонтерлык хәрәкәтен оештыручы Валентина Клявлина якын дусты белән махсус хәрби операция зонасына ярдәм партиясен илтеп бирде. Татарстанда яшәүче хатын-кызлар Нурлат районыннан хәрби бәрелеш сызыгына кадәр куркыныч һәм ерак юлны дүрт көндә үткән. Бу хакта «Татар-информ» хәбәрчесе Эльза Кузнецова яза.

Татарстан Рәисе Рөстәм Миңнеханов Телеграм-каналында Россия Гадәттән тыш хәлләр министрлыгының Волгоград өлкәсе буенча һәм Россия тимер юллары кайнар элемтә номерларын урнаштырды.

Иртәгә татар телендә сөйләшүче блогерлар очрашуы узачак. II Бөтендөнья милли блогерлар җыены 11.00 сәгатьтә «Татмедиа» республика матбугат һәм массакүләм коммуникацияләр агентлыгында түгәрәк өстәл белән башланып китәчәк. Бу хакта Кәрим Тинчурин исемендәге Татар дәүләт драма һәм комедия театры матбугат хезмәте хәбәр итә.

Волгоград өлкәсендә пассажир поездының рельслардан чыгуы нәтиҗәсендә зыян күргән өч кешенең хәле авыр дип бәяләнә. Бу хакта Волгоград өлкәсе администрациясе матбугат хезмәте хәбәр итә.

Бөтенроссия мөселман яшьләре форумы, Газада туып-үскән дин кардәшебез катнашында видеоролик төшереп, Палестина халкына теләктәшлек белдерде. Бу хакта Татарстан Диния нәзарәте матбугат хезмәте хәбәр итә.

«Үз телем» татар телен өйрәнү проектлары конкурсында катнашу өчен 70тән артык казанлы гариза биргән, шуларның 17се финалга үткән. 1 августта алар жюри әгъзаларына инициативаларын күрсәтәчәк. Презентациядә финалистларга үз идеяләре турында сөйләргә һәм аларның әһәмиятен исбатларга кирәк була, дип хәбәр итә Казан мэриясе матбугат хезмәте.

Балтач районы Бөрбаш Сәрдегәне авылында «Чишмә» бәйрәмен уздырганнар. Авыл халкының күркәм бер традициягә әверелгән әлеге бәйрәм быел бишенче тапкыр, җиде чыганакларны берләштереп ясалган мул сулы «Нурзидә» чишмәсе янында үткән. Бу хакта Бөтендөнья татар конгрессы матбугат хезмәте хәбәр итә.

Татарстанда яшәүчеләрне Дәүләт хезмәтләре порталында аккаунтлар белән бәйле мошенниклык очраклары ешаю сәбәпле сак булырга чакыралар.

Казанда соңгы 12 айда коттеджлар һәм коттедж бистәләрендәге шәхси йортлар 23,3 процентка кыйммәтләнде. Шулай итеп, 2023 елның августында мондый объектлар уртача 10,3 млн сум торган, ә 2024 елның июлендә бәя инде 12,7 млн сум тәшкил иткән. Бу хакта Restate мәгълүматларында белдерелә.

Иртәгә «Сәләт-Мирас» аланында кече яшьтәге мәктәп укучылары өчен «Аулак өй – көрәш» төбәкара проектының әдәби ярышы була.

Россия теннисчысы Роман Сафиуллин ир-атлар арасында үткәрелә торган ялгыз турнирның өченче раундына чыкты. Ул Париждагы 2024 елгы Җәйге Олимпия уеннары кысаларында уза. Бу хакта РИА Новости хәбәр итә.

Казанда конкурста катнашкан Сочи балалары Волгоград янында вагоннары рельслардан чыгып ауган поездда булган. Алар исән, ләкин бик нык курыккан, дип хәбәр итә Сочи мэры Андрей Прошунин Телеграм-каналында. «РИА Новости» шул хакта яза.

В торжественной обстановке вице-премьер РТ Лейла Фазлеева вручила ключи от 45 новых автомобилей Lada Granta представителям районных отделов физической культуры и спорта Татарстана.

Ежедневный оперативный прогноз с 18 часов 29 июля 2024 года до 18 часов 30 июля 2024 года.

Свердловск өлкәсе Аксакаллар шурасы рәисе Рәис Нуриманов 95 яшендә вафат булган. Бу хакта «Областная газета»га «Свердловск өлкәсе мөселманнары Диния нәзарәте Үзәк дини оешмасы (Үзәк мөфтият) рәисе мөфти Абдул-Куддусс Ашарин хәбәр иткән.

Урал аръягында берничә көн туктаусыз яңгыр ява. Синоптиклар бүген һәм иртәгә кайбер районнарда яшен фаразлый. Бу хакта «Российская газета» яза.

Ленар Бакиров приехал к ним во время обеденного перерыва.