Новости за 08.09.2024

Татарстанда Дәүләт Советына сайлаулар көнендә уза торган «Бөтен гаилә белән сайлыйбыз!» фотобәйгесенең сигезенче җиңүчесе булып Ландыш Потапова табылды. Аның «ВКонтакте» социаль челтәрендәге аккаунтында ул Әлмәттә яши дип күрсәтелгән. Яңа iPhone 15 смартфонына ия булучыны ТНВ телеканалында «Бөтен гаилә белән сайлыйбыз!» телемарафоны студиясендә әйттеләр. 15:00 сәгатькә әлеге бәйгедә инде 50 443 кеше катнашкан.

«Сайлаулар» системасы мәгълүматлары буенча, Татарстан Дәүләт Советына сайлауларда катнашучылар саны 8 сентябрьдә, 15:00 сәгатькә 48,7 процент булган. Бу хакта Татарстан Үзәк сайлау комиссиясе үзенең Телеграм-каналында хәбәр итте.

Татарстан мөфтие Камил хәзрәт Сәмигуллин Татарстан Дәүләт Советы депутатларын сайлауда катнашты. Бу хакта республика мөселманнары Диния нәзарәте телеграм-каналында хәбәр ителә.

На временном избирательном участке №2335 при Нурлатской ЦРБ за депутатов Государственного Совета РТ проголосовали 37 пациентов.

Социологик сораштырулар буенча, VII чакырылыш Татарстан Дәүләт Советына депутатлар сайлауга килүчеләр саны 65тән 70 процентны тәшкил итә. Бу хакта ТНВ телеканалында «Гаилә белән сайлыйбыз!» телемарафоны эфирында республика мөфтие урынбасары, Россия ислам институты ректоры Рәфыйк хәзрәт Мөхәммәтшин әйтте.

Татарстан Дәүләт Советына депутатлар сайлауда катнашу өчен Россия Герое Рәсим Баксиков Алексеевск районында Биләрдәге сайлау участогына барган.

На выборы всей семьей – с таким девизом каждый раз участвует в голосовании многодетная семья Черновых из Нурлата.

Татарстан Республикасында кеше хокуклары буенча вәкаләтле вәкил Сәрия Сабурская VII чакырылыш Татарстан Дәүләт Советы депутатларын сайлауда катнашты. Бу хакта аның матбугат хезмәте хәбәр итә.

Татарстанның яшьләр эшләре буенча министры Ринат Садыйков ТР Дәүләт Советына депутатлар сайлауда катнашты. Бу хакта ведомство башлыгы үзенең телеграм-каналында язган.

Бөгелмәдән махсус хәрби операция сугышчысы Виктор Морозов сайлау участогына хатыны һәм кызы белән килгән. Сайлауда катнашу – барлык халыкның гражданлык бурычы, дип саный ул.

«ТНВ» телеканалында бара торган 13 сәгатьлек «Гаилә белән сайлыйбыз!» телемарафонында Ильмира һәм Айрат Нуруллиннар булды. 4 балалы гаилә милли һәм дини бәйгеләрдә актив катнаша.

Татарстан Рәисе Рөстәм Миңнеханов Казахстан чакыруы буенча Бөтендөнья күчмә бөтендөнья уеннарында катнашу өчен Астанага килде. Астана халыкара аэропортында аны Казахстанның сәнәгать һәм төзелеш министры Канат Шарлапаев каршы алган. Бу хакта республика Рәисенең матбугат хезмәте җитәкчесе Лилия Галимова хәбәр итте.

Татарстан Премьер-министры Алексей Песошин VII чакырылыш Татарстан Дәүләт Советы депутатларын сайлауларда катнашты. Ул Казанның Четаев урамындагы 143 нче мәктәптәге сайлау участогында тавыш бирде, дип хәбәр итә республика Хөкүмәте порталы.

В их семье бережно хранят национальные традиции.

«Россия 24. Татарстан» телеканалының «Парламентские Вести» тапшыруын алып баручы Дмитрий Второв ТР Дәүләт Советына сайлауларда тавыш бирде. Бу хакта «Бердәм Россия» партиясенең Татарстан төбәк бүлеге (журналист партиянең төбәк сәяси советы әгъзасы булып тора) матбугат хезмәте хәбәр итә.

Казанда «Гаилә» үзәге янында Татарстан Дәүләт Советына сайлауга багышланган концерт программасы старт алды. Бирегә керү ирекле. Концерт 22.00 сәгатьтә төгәлләнә.

Зәйнең «Гвардия» эзтабарлар отряды җитәкчесе Виктор Никифоров Татарстан Республикасы Дәүләт Советының VII чакырылышына депутатлар сайлау барышы көнендә туган көнен – 59 яшен билгеләп үтә. Аны туган көне белән сайлау участогында котлаганнар. Бу хакта «Зәй офыклары» газетасы яза.

VII чакырылыш ТР Дәүләт Советына депутатлар сайлауга бәйле рәвештә кайнар линия телефонына Татарстан сайлаучыларыннан 701 шалтырату кабул ителгән. Бу хакта Казандагы бердәм мәгълүмат үзәгендә ТР Үзәк сайлау комиссиясе рәисе Андрей Кондратьев хәбәр итте.

VII чакырылыш Татарстан Дәүләт Советы депутатларын сайлау тыныч, күңелле мохиттә уза. Сәгать 12гә сайлауга килү күрсәткече барлык сайлаучыларның гомумит саныннан 32,2 процент тәшкил итә. Бу хакта Казанда Татарстанның Үзәк сайлау комиссиясе рәисе Андрей Кондратьев әйтте.

Татарстанда Дәүләт Советына сайлаулар көнендә узучы «Гаилә белән сайлыйбыз!» республика фотоконкурсының җиденче җиңүчесе Жанна Байгузина булды. Хатын-кызның «ВКонтакте» социаль челтәрендәге профилендә күрсәтелгәнчә, ул Мөслимдә яши. Яңа 15 модельле iPhone смартфоны иясенең исемен ТНВда «Гаилә белән сайлыйбыз!» телемарафоны студиясендә игълан иттеләр. Конкурста 14:00 сәгатькә инде 42 018 кеше катнашкан.

Зилә Вәлиева гаиләсе VII чакырылыш Татарстан Дәүләт Советына сайлауда тавыш бирде. Бу хакта Татарстанның Иҗтимагый палатасы рәисе ТНВ телеканалында «Гаилә белән сайлыйбыз!» телемарафоны эфирында сөйләде.

Саба районыннан Алия һәм Зөлфәт Кәримуллиннар 5 бала – Дамир, Зәмирә, Данияр, Сәйдә, Мәрьям өчен әти һәм әни. Гаилә «ТНВ» телеканалында бара торган «Гаилә белән сайлыйбыз!» телемарафонында катнашты.

Политолог, «Петербург сәясәте» фонды президенты Михаил Виноградов «Татар-информ»га сайлау участокларында мохит һәм сайлауга килү күрсәткече үзара ничек бәйләнгәне турында сөйләгән.

101 яшьлек Бөек Ватан сугышы ветераны Анна Моисеева Татарстан Республикасы Дәүләт Советына депутатлар сайлауда үз тавышын биргән. Анна Ивановна өендә сайларга теләк белдергән. Комиссия әгъзалары күчмә сайлату җайланмасы белән аның өенә килгәннәр. Бу хакта «Зәй офыклары» газетасы хәбәр итә.