Новости за 21.09.2024

Баулы районы Татар Кандызы авылында Көлтә бәйрәме үткәрделәр. Бу юлы алар, басуга чыгып, беренче көлтә бәйрәмен уздырды. Бу хакта «Баулы-информ» хәбәр итә.

Шушы көннәрдә «Кукмара сугышчан кардәшлек» оешмасы махсус хәрби операциядә катнашучыларга 36нчы колонна гуманитар ярдәмне тапшырып кайтты. 305нче артиллерия бригадасының махсус операция хәрбиләре Кукмара районы башлыгы Сергей Димитриевка һәм районның олы йөрәкле халкына гуманитар ярдәм җыйган һәм алып килгән өчен рәхмәт белдерде. Бу хакта «Хезмәт даны» сайтында Эльвира Иванова хәбәр итә.

Казанның «Мәрҗани» мәчетенә имам-хатиб итеп моңа кадәр Аксубай имам-мөхтәсибе булып эшләгән Равил Зөфәров билгеләнгән. Бу хакта «Татар-информ»га үз чыганакларыннан билгеле булды.

Мәүлид ае уңаеннан үзәк мәчеттә Чистай мөхтәсибәте һәм Дагестан мөфтияте сөекле Пәйгамбәребезгә багышланган кичә уздырды. Анда Дагестаннан килгән дин белгечләре, имамнар, дин кардәшләр, өлкәннәр, шулай ук яшьләр, балалар катнашты. Бу хакта «Чистай хәбәрләре» яза.

«КАМАЗ» ГАҖдә шәһәр кунакларын кабул итә торган визит-үзәк төзелә. Яңа үзәк автогигант дирекциясе янында, Лев Васильев исемендәге парк-музей территориясендә булачак. Бу хакта «Шәһри Чаллы» сайтында Зөлфия Галим яза.

Сегодня городская площадь Нурлата погрузилась в праздничную атмосферу: здесь отмечают День профсоюзов Республики Татарстан.

Ежедневный оперативный прогноз возникновения чрезвычайных ситуаций на территории Нурлатского района на 22 сентября 2024 года.

Саратов өлкәсе мөселманнары Диния нәзарәте мөфтие Рәсим хәзрәт Куҗәхмәтов татарларның киләчәге өчен дин әһәмиятен әйтте.

Сахалин өлкәсе имам-мөхтәсибе Мөхәммәд Якуп хәзрәт тиздән туган илебез - Россия чикләрен сакларга юл тотачак мөселман хәрбиләре белән мөһим очрашу үткәрде. Бу хакта Бөтендөнья татар конгрессының матбугат хезмәте хәбәр итә.

Татарстанда якшәмбе көнне, 22 сентябрьдә, җил урыны белән секундына 15-18 метрга кадәр җитәчәк. ТР Гидрометеорология һәм әйләнә-тирә мохитне күзәтү идарәсе сайтында шундый кисәтү урнаштырылган.

Үзбәкстан ислам цивилизациясе үзәге директоры, Үзбәкстан мәдәни мирасын өйрәнү һәм популярлаштыру буенча бөтендөнья җәмгыяте рәисе Фирдәвес Абдухаликов Равил хәзрәт Гайнетдин үз адресына әйтелгән мактау сүзләренә лаек дигән фикердә. Бу хакта ул «Татар-информ» мәгълүмат агентлыгының татар редакциясе баш мөхәррире Рәмис Латыйповка сөйләгән.

Казанның 19нчы гимназиясе татар теле укытучы Ләйлә Гарифҗанова «Иң яхшы туган тел һәм әдәбият укытучысы - 2024» Бөтенроссия бәйгесендә икенче урынны яулады. Җиңүчеләрне бүләкләү тантанасы бүген Идел буе дәүләт физик культура, спорт һәм туризм университетында узды.

Бүген Казан – Боровое Матюшино автомобиль юлының 20нче километрында яшүсмер квадроциклда бәрелеп һәлак булган. Бу хакта «Татар-информ» агентлыгына фаҗиганең шаһитлары хәбәр итте.

Татарстанда агымдагы елның 9-16 сентябрендә премиаль маркалардагы бензин кыйммәтләнүен дәвам иткән. Татарстанстат мәгълүматларында шулай диелә.

Коми Республикасы мөселманнары Диния нәзарәте рәисе Вәлиәхмәт хәзрәт Гаязов Россия мөселманнары Диния нәзарәте рәисе вазифасына кабат Равил хәзрәт Гайнетдин сайлануына шат булуын белдерде.

Дәүләт Думасы вице-спикеры Борис Чернышов (ЛДПР) белдергәнчә, Россия YouTube видеохостингының үз тиңдәшләрен үстерергә тиеш. Өстәвенә, россиялеләрнең әлеге видеохостингның лаеклы альтернативасы булуы зарур. Бу хакта РИА Новости агентлыгы хәбәр итә.

Россиянең Азия өлеше мөселманнары Диния нәзарәте рәисе, мөфти Нәфыйгулла хәзрәт Аширов бердәмлек Аллаһы Тәгаләдән боерык булуын искәртте. Бу хакта ул «Татар-информ» мәгълүмат агентлыгының татар редакциясе баш редакторы Рәмис Латыйповка сөйләгән.

Казан Кремлендәге Сөембикә манарасы һәм Татар халкы, Татарстан Республикасы дәүләтчелеге тарихы музее арасындагы ишегалды киңлеге пыяла гөмбәз астындагы яңа экспозиция мәйданчыгы итеп үзгәртелергә мөмкин. Музей-тыюлык директоры Илнур Рәхимов «Татар-информ» агентлыгына биргән эксклюзив интервьюсында мондый проектны гамәлгә ашыру мөмкинлеге турында сөйләде.

Бүген Татарстанның Әлмәт районында, Тихоновка бистәсе янында өч автомобиль катнашында җитди юл-транспорт һәлакәте булган.

Түбән Камадагы гуманитар ярдәм пунктында (Химиклар урамы, 72Б) көн саен контрактникларга фронтка җыенырга ярдәм итәләр. Биредә сумкага тутырып һичшиксез кирәге чыгачак әйберләр – эчке кием-салым, чынаяклар, термослар, сәгатьләр, фонарьлар, йоклау капчыклары һ.б. бирәләр.

Татарстанда бөртекле һәм бөртекле-кузаклы культураларны урып җыю ахырына якынлаша. Бүгенге көндә игеннәр 1,3 миллион гектарда җыеп алынган, бу планлаштырылган мәйданның 99 проценты дигән сүз. Барлыгы 3 миллион 645 мең тонна ашлык суктырылган. ТР Премьер-министры урынбасары – авыл хуҗалыгы һәм азык-төлек министры Марат Җәббаров шундый саннар китерде.

Россия Премьер-министры Михаил Мишустин, Россия мөселманнары Диния нәзарәте съезды һәм XX Халыкара мөселман форумында катнашучылар, оештыручылар һәм кунакларны сәламләп, Диния нәзарәтенең динара диалогны камилләштерүгә бәяләп бетергесез өлеш кертүен билгеләп үтте. Министрлар Кабинеты сайтында шул хакта телеграмма урнаштырылган. Бу хакта РИА Новости агентлыгы хәбәр итә.

Бүген Мәскәүдә XX Халыкара мөселман форумында Татарстан Рәисе Рөстәм Миңнеханов янәдән Россия мөселманнары Диния нәзарәте рәисе итеп сайланган Равил хәзрәт Гайнетдинның хезмәтен югары бәяләде.

Бүген яңа срокка Россия мөселманнар Диния нәзарәте рәисе итеп сайланган Равил хәзрәт Гайнетдин Татарстан Рәисе Рөстәм Миңнехановка рәхмәтен җиткерде һәм бердәм булуның әһәмиятен ассызыклады.

Мәскәүнең Татар мәдәни үзәгендә «Илдан» ансамбле «Мәдәниятләр калейдоскобы» фестиваленә әзерлек кысаларында Россия халык хуҗалыгы һәм дәүләт хезмәте академиясенең татар якташлыгы студентлары өчен татар биюләре буенча ябык мастер-класс үткәрде. Бу хакта Бөтендөнья татар конгрессының матбугат хезмәте хәбәр итә.