Татарстанда Камада югалган балыкчы мәетен тапканнар
(Казан, 21 май, «Татар-информ»). Водолазлар Татарстанда Камада югалган балыкчының мәетен тапкан. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.
Тәүлек дәвамында водолазлар республиканың Алабуга районында Кама елгасында югалган кешене эзләделәр. 60 яшьлек ирнең мәетен ярдан 4 метр тирәнлектә 25 метр ераклыкта табып алганнар.
Элегрәк «Татар-информ»га Татарстанда Кама ярында көймә һәм кармак тапкан балыкчыларны эзләүләре хакында хәбәр иткән иде.
Фаҗиганең сәбәпләре һәм шартлары ачыклана.