Казанның Борисково бистәсендәге күлдә җиңел автомобиль баткан
Әлеге хәл бүген көндез Казанның Борисково бистәсендә, Ферма шоссесында, «Сокол» кафесы каршында булган: биредә Renault Sandero автомобиле Югары Кабан күленә төшеп киткән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Бәхеткә, беркем дә зыян күрмәгән. Ведомствода билгеләп үтүләренчә, автомобильне эвакуатор ярдәмендә судан чыгарганнар инде.