Бүген Татарстанда һава температурасы +19 градустан күтәрелмәячәк

Бүген Татарстанда салкынча һәм коры һава торышы көтелә. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

Республикада алмашынучан болытлы һава торышы саклана. Төнлә төбәкнең көнчыгышында яңгыр яварга мөмкин, көндез ул туктаячак һәм явым-төшем ихтималы аз.

Җил төньяк-көнбатыштан, секундына 5-10 метр тизлектә фаразлана. Урыны белән 14 метрга кадәр (Казанда 13 метрга кадәр) көчәя.

Салкынча төннән соң (+6..+11 градус), Татарстанда көндез +14..+19 градуска кадәр (Татарстан башкаласында - +16..+18 градуска кадәр) җылыта.

«Татар-информ» хәбәр иткәнчә, республикага кыска вакытлы салкын килде.