Зәйдән махсус операциядә катнашучы хәрби ялга кайтты һәм сөйгәненә тәкъдим ясады

Зәй районыннан махсус операциядә катнашучы хәрби ялга кайтты һәм сөйгәненә тәкъдим ясады. 33 яшьлек Сергей махсус операция зонасында контракт буенча хезмәт итә, аның хәрби кушаматы - Чижик.

Булачак хәрби быелның 18 апрелендә Зәй хәрби комиссариатына килә һәм Саклану министрлыгы белән контракт төзи, ә 20 апрельдә махсус хәрби операция зонасына юл тота. Анда үз теләге белән китә – үзен күрсәтергә тели.

«Мин армиядә хезмәт итмәдем, шуңа күрә бу – беренче тәҗрибәм. Башта кыенрак иде, әмма соңыннан коллективка кереп киттем», - диде ул.

Сергей оптимист, барысыннан да канәгать һәм бернигә дә мохтаҗлык кичермәвен искәртә. Ул фронтка ярдәм итүче Зәй халкына рәхмәтен җиткерә, барлык посылкалар да вакытында килүен әйтә.

Сергей 13 декабрьдә ялга кайткан һәм шунда ук сөйгәне Аделинага тәкъдим ясаган, аларның кызлары бар, хәзер аңа - 1 яшь. Аделина ризалык биргән.

16 декабрьдә алар ЗАГС бүлегенә килде һәм мөнәсәбәтләрен рәсмиләштерде.

2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча бирелә. Акчаның күләме арту республикада түләүләр күтәрелүгә бәйле.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.

Материал Айгөл Яруллина катнашында әзерләнде. Фотолар хәрбинең архивыннан алынды.