Әгерҗе районында башлангыч сыйныфлар арасында Кыш бабай призына ярышлар узды

Әгерҗе районы Күләгәш авылында I-IV сыйныф укучылары арасында Кыш бабай призына ярышлар узды. Бу хакта «Әгерҗе хәбәрләре» газетасы яза.

Чараның оештыручысы һәм иганәчесе - танылган чаңгы тренеры Геннадий Орехов. Ул Кыш бабай ролендә дә чыгыш ясады. Быел чара 10нчы мәртәбә үткәрелде. 2015 елда ярышлар беренче тапкыр районның Ташлы авылында узган иде.

«Бу - гадәти ярышлар гына түгел, ә башлангыч сыйныф укучылары өчен спорт бәйрәме дә. Аларга бу кызык һәм актив катнашалар», - диде Геннадий Орехов.

Ярышларда Пеләмеш, Бимә, Байтуган, Мадык, Ожбуй, Ташлы һәм Күләгәш авылларыннан 20дән артык бала катнашты.

Җиңүчеләргә медальләр, Мактау грамоталары һәм бүләкләр тапшырылды.

Ярышта катнашучы бер бала да игътибардан читтә калмады — финиш сызыгында Кыш бабай шәхсән үзе һәр балага татлы күчтәнәчләр өләште. Бу традицион ярышларны җирле халык инде күптән яратып өлгерде һәм ул яшь спортчыларны елдан-ел күбрәк җәлеп итә, үсеп килүче буында спортка һәм сәламәт яшәү рәвешенә карата кызыксынуны арттыра.