Казан һәм Түбән Кама аэропортлары самолетлар кабул итү һәм җибәрүне вакытлыча туктатты
Габдулла Тукай исемендәге Казан Халыкара аэропорты һәм Түбән Кама аэропорты вакытлыча ябылды. Алар самолетларны кабул итми һәм җибәрми.
Росавиациядә хәбәр итүләренчә, мондый чикләүләр очышларның иминлеген тәэмин итү өчен кертелгән.
Авиакомпанияләр пассажирларны тоткарлыклар һәм расписаниедәге үзгәрешләр турында кисәтте.