Миңнеханов: Кибермошенниклыкка бәйле эшләр аркасында судларның йөкләнеше артты

Татарстан Республикасы Рәисе Рөстәм Миңнеханов кибермошенниклыкка бәйле җинаятьләр аркасында судларга йөкләнеш булуын билгеләп үтте. Бу фактны ул бүген судьяларның хисап-сайлау конференциясендә билгеләп үтте.

«Кызганыч, бүгенге көндә киберҗинаятьләр кылу тенденциясе саклана. Шул ук вакытта, мошенниклык схемалары катлауланды. Криптовалюта еш кына җинаять эшләрендә җинаятьчел керемнәрне легальләштерү чарасы буларак күренә башлады, ясалма интеллект инструментлары актив кулланыла. Бу тикшерү органнарына гына түгел, судларга да йөкләнеш.

Мондый эшләр гамәлләрне квалификацияләүгә һәм җәза билгеләүгә бердәм караш эшкәртүне таләп итә. Бу мәсьәләдә гражданнарның хокукларын яклауны тәэмин итү бик мөһим», – дип ассызыклады Татарстан Рәисе.