Юрист күп фатирлы йортта түбәдән су үтсә кая мөрәҗәгать итәргә кирәклеген аңлатты

Күп фатирлы йортның түбәсен карап тоту һәм ремонтлау өчен, идарә итү формасына карап, идарәче компания яисә торак милекчеләре ширкәте җаваплы. Бу хакта «Татар-информ» агентлыгы белән әңгәмәсендә юрист Алла Георгиева хәбәр итте.

«Түбә гомуми кулланылыштагы урыннарга карый, димәк, аңа идарәче компаниягә хезмәт күрсәтергә тиеш, һәм йортта яшәүчеләр моны үз көчләре белән бетерергә тиеш түгел», – дип искәртте эксперт.

Аның сүзләренчә, су үтүнең сәбәбе йортка агымдагы яки капиталь ремонт ясалмау, шулай ук түбәгә зыян килү (мәсәлән, әйберләр төшү) нәтиҗәсендә булырга мөмкин. Һәрхәлдә, бу проблеманы хәл итү бурычы идарәче оешмага йөкләнә.

Георгиева аңлатканча, йортта яшәүчеләр иң беренче булып идарәче компаниягә дәгъва белән мөрәҗәгать итәргә тиеш – бәлки ул проблема турында белмидер. Әгәр идарәче компания тиешле чара күрмәсә, торак инспекциясенә һәм прокуратурага мөрәҗәгать итәргә кирәк.

«Идарәче компания халыктан билгеле бер күләмдә акча җыя – «гомуми йорт милкен карап тоту» графасы бар, һәм һәр кеше моның өчен акча түли. Прокуратура акчаларның нинди максатка юнәлдерелүен тикшерә ала», - дип белдерде юрист.

Моннан тыш, халык идарәче компанияне тиешле эшләр башкарырга мәҗбүр итү таләбе белән судка мөрәҗәгать итәргә хокуклы. Шулай ук «Дәүләт хезмәтләре» порталы яки башка электрон мәйданчыклар аша шикаять бирергә мөмкин, дип өстәде Георгиева.