Ташкент шәһәренең Рус йортында «Кара урман» фильмының премьерасы була
Бүген Ташкент шәһәренең Рус йортында герой-шагыйрь Муса Җәлилнең тууына 120 ел тулуга багышланган «Кара урман» фильмының премьерасы була. Бу хакта Ташкент шәһәре Татар иҗтимагый мәдәни-агарту үзәге Телеграм-каналы хәбәр итә.
Бу – герой-шагыйрь Муса Җәлил, шулай ук хакыйкать һәм хәтернең ХХ гасырның иң караңгы сәхифәләре аша узуын чагылдырган тарих.
«Кара урман» фильмы - «даталар буенча» коры тарих кына түгел. Бу сайлау, ныклык бәясе һәм ни өчен кайбер исемнәрнең бигрәк тә бүген яңадан яңгырарга тиешлеге турында кино.
Башлана - 15.00 сәгатьтә. Адресы: Юныс Раджаби урамы, 63. Керү ирекле.