Президент келиши кутилаëтган Наманганда врачлар чопиқ ва кўча тозалашга мажбурланмоқда

Шу кунларда Наманган вилояти Тўрақўрғон туманидаги шифокор ва ҳамширалар қишлоқ хўжалик ва ободончилик ишларига мажбурланмоқда. Озодлик гаплашган врачларга кўра, тиббиëтчиларни бошқа ишларга мажбурлаш Каримов давридагидан ҳам кучайган. Тиббиёт бирлашмаси раҳбари ўз ходимларининг қишлоқ хўжалик ишларига жалб қилинаётганини тан олди.