Наврўзни танқид қилган Исҳоқжон домла “сиёсий сабаб билан” имомликдан четлатилди
Тошкентдаги машҳур “Тўхтабой” жоме масжидининг ишдан бўшатилган имом-хатиби Исҳоқжон Бегматов, Озодлик манбаларига кўра, диний таълим ёшини 18 ёшга кўтариш таклифига қарши чиққани учун босимга учраган. Бу ҳақда аниқ жавоб бермаган Мусулмонлар идораси мунозарага сабаб бўлаётган диний таълимга оид таклиф бўйича ҳали якуний қарор қабул қилинмаганини билдирди.