Президент ташрифидан олдин Ангренда ҳар 100 метрга 1 милиция ходими қўйиб чиқилди

Тошкент вилоятининг Тўйтепа, Ангрен, Олмалиқ шаҳарларидаги Озодлик мобил мухбирларининг хабар беришича, Шавкат Мирзиёевнинг ташрифи арафасида бу шаҳарларда бюджет ташкилоти ишчи-хизматчилари кўчаларни супуриб-сидиришга, ёзнинг жазирамасида орадан икки кун ўтиб қуриб қолиши муқаррар гулларни ўтқазишга, эски ва қурилиши битмаган уй-жойларнинг кўча томонини тўсишга мажбурланган.