Андижон ҳокими ўқитувчиларни Гулнора Каримова қурдирган шаҳарчани тозалашга ҳайдади (ВИДЕО)

Андижон шаҳар ҳокими Дилмурод Раҳматуллаев 10 август куни мактаб ва боғчалар ўқитувчи ва тарбиячиларини Болалар шаҳарчаси ҳудудини тозалашга мажбурий тарзда чиқартирди. Ана шу мажбурий “ҳашар”да қатнашган гувоҳларнинг айтишича, ўз ходимини кўча супуришга чиқармаган раҳбарларга ишдан ҳайдаш билан таҳдид қилинган. Шаҳар халқ таълими бўлими мудири бугунги ҳашардан хабари йўқлигини билдирди.