Bir oilaning uch a’zosini chavaqlab ketgan sobiq mahkum qidirilmoqda
Toshkent militsiyasi Zangiota tumanida bir oilaning uch a’zosini pichoqlab o‘ldirgani gumonlanayotgan 38 yoshli M.M. ismli sobiq mahkumni qidirmoqda. 14 avgust kuni noma’lum shaxs Zangiota tumani Nazarbek mahallasining Tarnov daxasida yashovchi 79 yoshli otaxon Ma’ruf Komilovning uyiga qamoqdagi o‘g‘lidan xabar olib kelgan bo‘lib, mehmon bo‘lib qolgan va yarim tunda otaxon, uning 64 yoshli nogiron singlisi Shaxodat va 49 yoshli qizi Sharifani bo‘g‘izlagan.