Ҳоким тадбиркордан қурбонликка қўй ундириб, Президент номидан камбағалга бераяпти

Андижон вилоятининг Асака тумани ҳокими тадбиркорлар ва чорвачилик билан шуғулланадиган фермерларни бирма-бир суҳбатга чорлаб, Қурбон ҳайити учун биттадан қўй ёки мол беришни талаб қилмоқда. Бу ҳақда Озодликка хабар берган тадбиркорларнинг айтишича, ҳоким бу қўй ва молларни кам таъминланган оилаларга ҳокимият ва президент номидан эҳсон қилиб топширишини айтган.