Курс янгиланиб, импорт божи 2 марта ошди. "Ўрикзору" "Абу Саҳий" тақдири савол остида

Ўзбекистон Марказий банки чет эл валюталарининг расмий ва биржа нархларини унификация – бир хиллаштириши оқибатида мамлакатга импорт қилинаëтган маҳсулотлар учун белгиланган бож тўловлари икки бараварга қимматлади. Савдогарлар¸ агар ҳукумат тез орада бож ва акциз тўловлари ставкасини ялпи қайта кўриб чиқиб¸ уни арзонлатмаса¸ импорт маҳсулотлари нархининг ниҳоятда қимматлашиши¸ мамлакатга импорт келиши кескин қисқариши¸ муҳими¸ ўн минглаб савдогарнинг касодга учраб¸ ишсизлар сафига қўшилишидан хавотирга тушмоқда.