Журналист Бобомурод Абдуллаевнинг уйида тинтув ўтказилди, унинг ўзи қўлга олинган
Тошкентлик 44 ёшли журналист ва спорт шарҳловчиси Бобомурод Абдуллаевнинг уйида 29 сентябрь куни пешиндан кейин Юнусобод туман ИИБ тезкор гуруҳи тарафидан тинтув ўтказилди. 3 кундан буён қаердалиги номаълум қолаётган Бобомурод Абдуллаевнинг ўзи эса, 27 сентябрь куни ўғирликда гумонланиб қўлга олингани Озодликка бир неча соат олдин маълум бўлди. Бу ҳақда Озодликка Тошкент шаҳар ички ишлар бош бошқармасининг исми айтилишини истамаган зобити маълум қилди.