Hokimning yer berish va’dasiga ishongan “uyushmagan aholi” yotib paxta termoqda

Qashqadaryo viloyati hokimi Zafar Ro‘ziev uyushmagan aholini paxtaga chiqarish uchun ularga yer uchastkasi¸ sog‘lig‘ini tiklashga moddiy yordam va ishsizlarga ish va’da qildi. Hokimning Yakkabog‘ tumanida bergan shunday va’dasi ortidan hokimiyatdan er ololmay yurganlar ko‘ngilli ravishda “paxta oxiriga qadar “qo‘shni Kasbi tumanida yotib paxta terishga jo‘namoqda. Hozircha hokimiyat vakillarining o‘zlari ham bunday va’daning amalga oshish-oshmasligidan bexabarliklarini bildirmoqda.