Фарғонада талаба йигитни гейликда айблаб ваҳшийларча калтаклашди

Бир неча йигит бошқа бир  йигитни гейликда айблаб жазолаётгани акс этган видео 29 сентябр куни ижтимоий тармоқларда тарқалди. Озодлик видеода акс этган воқеа 2 ой аввал Фарғона шаҳрининг Қиргули мавзесида содир бўлганини аниқлади. Фарғона вилоят ҳуқуқ-тартибот органларидан бирининг мулозими мазкур воқеа юзасидан жиноят иши очилиб, зўравонликни уюштирган ва амалга оширган 4 шахс қўлга олинганини Озодликка маълум қилди.