“Президентнинг янги фармони фермер устидан назоратчиларни кўпайтиради!”
Президент Шавкат Мирзиëевнинг фермер¸ деҳқон хўжаликлари ва томорқа ер эгалари фаолиятига оид 9 октябрь кунги янги фармонига муносабат билдирган ўзбекистонлик фермерлар фикрича, бундан буён фермернинг ҳаёти янада оғирлашади. Фермерлар Бош вазир сифатида 13 йил қишлоқ хўжалиги соҳасини бевосита бошқарган Мирзиëевнинг сўнгги фармонидан бу тармоқни фалаж қилиб келаëтган фундаментал муаммолар ечимига элтувчи асос топмаганларини афсус билан қайд этишди.