O‘zbekistonning 3 viloyatidan 30 mingdan ortiq odam poezdda paxtaga jo‘natildi
Farg‘ona, Namangan va Surxondaryo viloyatlaridan mamlakatning shimoliy va g‘arbiy viloyatlariga 30 ming nafardan ortiq odam paxta terimiga maxsus poezdlarda safarbar etildi. Korxona va tashkilotlar xodimlaridan, mahallalar aholisidan tashkil topgan maxsus otryadlar Xorazm, Jizzax viloyatlari va Qoraqalpog‘istonda paxta termoqda. Kuzatuvchilarning aytishlaricha, maxsus poezdlarda paxta terimiga odam jo‘natish, hatto Islom Karimov davrida ham kuzatilmagan edi.