Марказий банк раиси Вашингтонга жўнаб кетди
Ўзбекистон Республикаси Бош вазирининг ўринбосари Жамшид Қўчқоров ва Марказий банк раиси Мамаризо Нурмуротов таркибидаги делегация Вашингтон шаҳрига жўнаб кетди. Бу ҳақда ТИВ Ахборот хизмати хабар берди.
Маълум қилинишича, улар жорий йилнинг 13-15 октябрь кунлари Халқаро валюта жамғармаси ва Жаҳон банки гуруҳи Бошқарувчилар кенгашининг навбатдаги йиллик мажлисида иштирок этади.
Йиллик ҳисобот ва келгуси йил учун бюджетни тасдиқлаш, шунингдек, халқаро иқтисодий ривожланиш ва молиявий фаолиятга доир кенг кўламли масалаларни муҳокама қилиш режалаштирилган.