Felgengaurning pichoqlanishi davlat TVsi bilan “Exo Moskvi” mojarosiga sabab bo‘ldi

Rossiyaning davlatga qarashli omamviy axborot vositalari (OAV) bilan ancha-muncha ta’sir kuchiga ega “Exo Moskvi” radiostansiyasi o‘rtasida dahanaki jang qizigandan-qizib bormoqda. Bunga radiostansiya jurnalistlaridan birining bo‘ynidan pichoq yegani sabab bo‘ldi. Sal oldin davlat televideniesi dasturida o‘sha jurnalist ayol "G‘arbning pastkash agenti", deb atalgandan so‘ng bir kishi unga ish joyiga kelib, hujum qildi.