O‘zbekiston afg‘onlarni chorak asrlik tanaffusdan so‘ng yana o‘qishga taklif qildi
Afg‘onistonliklar uchun Surxondaryo viloyat, Termiz tumanidagi Yangiariq qishloq xo‘jalik kolleji bazasida o‘quv markazi ochiladigan bo‘ldi. O‘zbekistonning janubiy qo‘shnisi fuqarolari o‘qish xarajatining yarmini to‘laydi, xolos. Qolgan yarmini “O‘zbekiston temir yo‘llari” kompaniyasi to‘laydi. Bu haqda Vazirlar Mahkamasi 13 noyabrda qabul qilgan qarorda aytilgan.