Андижонлик йигит милиция бўлимида сўроқ беришдан сўнг эртаси куни ўзини осиб қўйди. Нима бўлди ўзи?..
Андижон шаҳридаги Бектош Раҳимов маҳалласида яшовчи 33 ёшли Бекзодбек Юнусов исмли йигит 4 май куни тақиқланган дорилар олди-сотдисида гумон қилиниб, милиция ходимлари тарафидан қўлга олинганди. Эртаси куни уни озод этишибди. Аммо уйига келгач, орадан бир неча соат ўтиб ўзини осиб қўйибди. Яқинларининг айтишига қараганда, марҳумнинг танасида калтак излари бўлган. Уни милиция ходимлари қийноққа солган бўлиши мумкин экан.