КУН КУЛГИСИ…

* * *

 

Ўтмишдан фақат унга ўз ақлини, номусини ва виждонини бағишламаганларгина қўрқишмайди.

 

* * *

 

Агар даҳо ҳали қўлга тушмаган ва тан олинмаган бўлса, демак, у ҳали тирик.

 

* * *

 

Склерознинг энг оғир формаси бегона аёлни уйингга олиб келдинг-у, нима мақсадда олиб келганингни унутиб қўйишдан иборатдир.

 

* * *

 

Бирга яшаганларига 75 йил тўлиши муносабати билан байрам қилаётган чол кампиридан сўради:

— Менга қара, 75 йил ичида биз сен билан ўн ўғилни вояга етказдик. Ҳаммаси бир-бирига ўхшайди-ю, фақат биринчиси бошқаларидан сал фарқ қилади-да! Ё қачонлардир менга хиёнат қилганмисан-а?

— Чол, тан оламан, қачонлардир гуноҳга ботганман.

— Хўш, биринчи ўғлингнинг отаси ким?

— Сиз.

 

* * *

 

Ғарб мамлакатларидан бирида яшовчи эркак бир йигитни врачга олиб келди.

— Дўхтир, ёрдам беринг! Мен куёвимнинг оёғидан отиб қўйдим!

— Ие, одам ҳам ўз куёвини отарканми?

— Мен отаётганимда ҳали у куёв бўлишга розилик бермаганди-да!

 

* * *

 

— Ойи, ойи!..

— Бас қил!

— Ойижон!

— Нима дейсан?

— Ҳожатхонага чиқиб келсам майлими?

— Дарсингни тайёрлаб бўлдингми?

 

* * *

 

Келин дугонасига деди:

— Қайнонам дунёда энг бебаҳо аёл. Фақат бир камчилиги бор-да!

— Қандай камчилик?

— Нафас олади.

 

* * *

 

Бойваччанинг хотини эрига деди:

— Дадаси, мен сизнинг эски, йиртилиб қолган костюмингизни ахлатга ташлаб юбордим!

— Нима?.. Жиннимисан? Энди солиқ идорасига нима кийиб бораман?

 

* * *

 

— Дугонажон, севги деганда нимани тушунасан?

— Э, буни эркаклар аёлга пул сарфламаслик учун ўйлаб топишган.

 

* * *

 

Телебошловчи эълон қилди:

— Омон бўлинг, азиз телетомошабин! Энди ярим тунда одатимизга кўра сизнинг хонадонингизда учрашамиз!

Шунда телевизор қаршисида ўтирган эркак ўзича ғудраниб қўйди:

— Вой-бў, шу гапингга ишондим-а? Мана шу биринчи каналдагиларнинг ёлғон гапиравериши жонга тегди-да!