«Ан-Наср» Руди Гарсияни истеъфога чиқарди
Саудия Арабистонининг «Ан-Наср» клуби бош мураббийи Руди Гарсия жамоа билан хайрлашди.
Клуб расмий сайти франциялик мутахассис билан келишув ўзаро розилик асосида бекор қилинганини эълон қилди.
Аввалроқ, клуб Гарсияга вазиятни ўнглаш учун бир ўйинга муҳлат бергани ҳақида хабар қилинганди. Шунингдек, жамоа ҳужумчиси Криштиану Роналду Руди Гарсиянинг ишидан ва услубидан қониқмаётгани ҳақида хабар қилинганди.
Франциялик мутахассис 2022 йилнинг 29 июнь кунидан буён жамоани бошқариб келаётганди. Ар-Риёд жамоаси Саудия Арабистони чемпионати 23-туридан кейин пешқадам «Ал-Иттиҳод»дан 3 очкога ортда қолмоқда.