Кассано Милан жамоасини мақтади

Италиянинг "Милан" клуби Туринда маҳаллий "Торино" жамоасига қарши ўйинда иродали ғалаба қозонди. Бу муваффақият одатда танқид қилишдан тўхтамайдиган Антонио Кассано томонидан ҳам юқори баҳоланди.

"Милан бу ғалабага ҳақли эди. Бундай ўйинлар жамоага ишонч ва куч бағишлайди.

"Торино" ҳисобда устунликка эришгач, футболга зид услубни танлади. Мен эса ҳар доим бундай услубдаги жамоаларга қарши бўлганман", – деди Кассано pianetamilan.it нашрига берган интервьюсида.

Эслатиб ўтамиз, ушбу ғалаба "Милан"ни турнир жадвалида биринчи ўринга қайтаришга ёрдам берди. Кейинги турда жамоа "Сассуоло"га қарши майдонга тушади.