Юлдуз Усмонова — 62 ёш!
Кеча, 12 декабрь куни, Ўзбекистоннинг севимли ва бетакрор хонандаси Юлдуз Усмонова ўзининг 62 ёшини қаршилади.
Ўзбек шоу-бизнесининг энг машҳур, серқирра ва таъсирчан санъаткорларидан бири бўлган Юлдуз Усмонова 1963 йил 12 декабрь куни Марғилон шаҳрида, ишчилар оиласида 6-фарзанд бўлиб дунёга келган. У санъатга кириб келган илк кунларданоқ ўзига хос овози, кучли харизмаси ва ижодий изланишлари билан миллионлаб мухлислар қалбидан жой олган.
Таваллуд куни муносабати билан хонанданинг ижтимоий тармоқлари изоҳлар билан тўлган — мухлислар уни самимий тилаклар, илиқ сўзлар ва энг эзгу истаклар билан табрикладилар. Улар Юлдуз Усмонованинг ўзига хос овози, узоқ йиллик меҳнати ва санъатга қўшган улкан ҳиссасини алоҳида эътироф этишди.