Себастьян Шимански энди франсузнинг «Ренн» клубида ўйнайди

Москванинг «Динамо» клубида ҳам тўп сурган ярим ҳимоячи Себастьян Шимански фаолиятини Францияда давом эттиради — у «Ренн» футболчисига айланди. Бу ҳақда euro-football.ru хабар беради.

Transfermarkt маълумотига кўра, аввал Туркиянинг «Фенербахче» жамоасида ўйнаган футболчи учун франсуз клуби 9,5 млн евро тўлаган.

2025/2026 йилги мавсумда Шимански барча клуб турнирларида 26 та учрашувда майдонга тушиб, 2 та гол урди ва яна 2 та голли узатмани амалга оширди.

26 ёшли футболчининг «Ренн» билан шартномаси 2029 йил 30 июнгача мўлжалланган. Унинг бозор қиймати 12 млн евроға баҳоланмоқда.

Ҳозир Шимански жароҳатдан тикланмоқда: унда чов соҳасида чўзилиш бор. Унинг майдонга қачон қайтиши ҳозирча аниқ эмас.