Шалимов Захаряннинг Россияда ҳам асосийга кириши шубҳали деди
"Краснодар"нинг собиқ бош мураббийи Игорь Шалимов "Реал Сосьедад" ярим ҳимоячиси Арсен Захарян келажаги борасида фикр билдирди. Бу ҳақда euro-football.ru хабар беради.
Испания ОАВида чиққан хабарларга кўра, клуб энди футболчига катта умид боғламаяпти ва яқин орада у жамоасини ўзгартириши мумкин.
Шалимов "Матч ТВ" эфирида "Реал Сосьедад" ҳозир Захарян учун янги жамоа топиши қийинлигини, Европада ижарага бериш варианти ҳам ҳозирча аниқ эмаслигини таъкидлади. Эксперт футболчи кетма-кет жароҳатлар олаётгани, ҳатто Россияга қайтса ҳам бошланғич таркибдан жой олиб кета олиши кафолатланмаганини айтди.
Эслатиб ўтамиз, россиялик футболчи Сан-Себастьян клуби сафига 2023 йил ўрталаридан узоқ муддатли шартнома асосида қўшилган. Жорий мавсумда у 19 та учрашувда майдонга тушиб, 1 та гол урди.