Ҳайкин «Манчестер Сити»ни енгиш Норвегия спорти тарихига кирди
Норвегиянинг «Буде-Глимт» клуби дарвозабони Никита Ҳайкин «Манчестер Сити» устидан қўлга киритилган сенсацион ғалаба ҳақида фикр билдирди. Бу ҳақда euro-football.ru хабар беради.
Европа Чемпионлар лигаси умумий босқичининг 7-тур учрашувида норвегияликлар 3:1 ҳисобида зафар қучди.
Ҳайкиннинг айтишича, ўйиндан кейин ҳам жамоа нималарга эришганини дарҳол англаб етмаган: «Биз XXI аср футбол индустриясидаги, эҳтимол, энг кучли тизимга эга клубни ютганимизни дарҳол ҳис қилмадик. Бу ўйин нафақат биз учун, балки барча норвеглар, умуман Норвегия спорти учун тарихга кирди», — деди у VideoSports дастурида.
Дарвозабон ушбу натижани фаолиятидаги энг муҳим ғалабалардан бири сифатида алоҳида қайд этди.
Ҳозирда «Буде-Глимт» Чемпионлар лигаси турнир жадвалида 6 очко билан 28-ўринда бормоқда.