Хайкин Манчестер Ситини енгиш Норвегия спорти тарихига кирди дейди
Норвегиянинг «Буде-Глимт» жамоаси дарвозабони Никита Хайкин «Манчестер Сити» устидан қўлга киритилган сенсацион ғалаба ҳақида фикр билдирди. Бу ҳақда euro-football.ru хабар беради.
Чемпионлар лигаси умумий босқичининг 7-тур учрашуви норвеглар фойдасига 3:1 ҳисобида якунланди.
«Ўйиндан кейин ҳам биз, ростини айтсам, XXI аср футбол индустриясидаги энг кучли тизимлардан бирини енгганимизни дарров англаб етмадик. Бу учрашув фақат биз учун эмас, барча норвеглар, умуман Норвегия спорти учун тарихга кирди», — деди Хайкин «VideoSports» дастурида.
Дарвозабон бу натижани ўз фаолиятидаги энг муҳим ғалабалардан бири сифатида ҳам алоҳида таъкидлади.
Айни пайтда «Буде-Глимт» Чемпионлар лигаси турнир жадвалида 6 очко билан 28-ўринда бормоқда.