Джикия агенти ҳимоячининг келажаги борасида изоҳ берди
«Анталяспор» футболчиси Георгий Джикия агенти Владимир Кузьмичёв россиялик ҳимоячининг клубдаги келажаги юзасидан фикр билдирди. Бу ҳақда euro-football.ru хабар беради.
Агентнинг айтишича, Джикиянинг ҳолати яхши ва клуб мураббийлар штаби унга ишонмоқда. Сўнгги учрашувларда майдонга тушмаганига сабаб микрожароҳат бўлган, ҳозир эса у тикланиб улгурган ва кейинги ўйинда ўйнаши кутилмоқда.
Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Джикиянинг бу мавсум Туркия чемпионатида ҳисобида 12 та ўйин ва 2 та гол бор. Футболчининг «Анталяспор» билан амалдаги шартномаси 2027 йил ўрталаргача мўлжалланган.