«Килмесез» стадиони янгиланиши учун мухлисларни ёрдамга чақирди
Аргентинанинг 1887 йилда ташкил топган энг қадимий клубларидан бири бўлган «Килмесез» ҳозир оғир даврни бошдан кечирмоқда. Тарихи бой жамоа кўп сонли мухлисларга эга бўлса-да, айни пайтда клубга қўшимча кўмак зарур. Бу ҳақда euro-football.ru хабар беради.
Клуб раҳбарияти стадионни қайта қуриш режалари фонида мухлисларга мурожаат қилди. Бироқ бу сафар одатдагидек хайрия пули сўраш эмас: ишқибозларга стадионга келиб, турли таъмирлаш ва қайта жиҳозлаш вазифаларида бевосита жисмонан ёрдам бериш таклиф этилди.
Жанубий яримшарда ёзнинг жазирама иссиғига қарамай, «Килмесез» мухлислари чақириқни илиқ қабул қилди ва стадионни янгилаш ишларига фаол қўшилди.