Кенан Йилдиз Роналду ва Дел Пьеронинг натижасини такрорлади

Кенан Йилдиз А Сериясида «Ювентус»нинг «Наполи»га қарши ўйинида гол урган футболчилардан бири бўлди. Бироқ баҳс 0:3 ҳисобида Лучано Спалетти жамоасининг йирик ғалабаси билан якунланди. Бу ҳақда euro-football.ru хабар беради.

Opta маълумотига кўра, 20 ёшли турк ҳужумчи уч очко тизими жорий этилган даврда «Наполи»га қарши бир мавсум ичидаги ҳар икки учрашувда ҳам «Ювентус» сафида гол урган атиги бешинчи футболчига айланди. Бунгача буни Криштиану Роналду (2019/20), Алессандро дел Пьеро (2000/01), Дарко Ковачевич (2000/01) ва Фабричио Раванелли (1994/95) амалга оширган.

Жорий мавсумда Йилдизнинг Италия чемпионатидаги ҳисобида 8 та гол бор, шунингдек у жамоадошларига 4 бор гол узатмасини ҳам беришга улгурди.