Спаллетти «Ювентус» ҳужумчисини бегона сайёраликка қиёслади

«Ювентус» бош мураббийи Лучано Спаллетти яна бир бор ҳужумчи Кенан Йилдизнинг ўйинидан ҳайратда эканини яширмади. Бу ҳақда euro-football.ru хабар беради.

20 ёшли футболчи А Сериянинг 22-турида «Наполи» устидан йирик 3:0 ҳисобидаги ғалабага катта ҳисса қўшиб, учрашувда гол муаллифига айланди.

Спаллеттининг сўзларига кўра, Йилдиз оддий футболчи эмас: у гўё «бегона сайёралик» каби ўйнайди ва баъзан атайлаб хато қилади — шунчаки одамларга ўхшаб кўриниш учун.

Жорий мавсум А Серияда туркиялик ёш юлдуз 21 ўйинда 8 та гол урди ва 4 та голли узатма берди.

Турнир жадвалида «Ювентус» 42 очко билан 5-ўринда бормоқда, «Наполи» эса 43 очко билан 4-поғонани эгаллаб турибди.