«Лилл» мағлубиятидан кейин Жируни мухлислар ҳуштак билан кузатди

Француз ҳужумчиси Оливье Жиру учун қийин кунлар давом этмоқда: унинг «Лилл» клуби «Страсбург»га 1:4 ҳисобида ютқазди. Учрашувдан сўнг трибуналардан ҳуштакбозлик янгради — «доглар» мухлислари жамоасининг омадсиз ўйинига шундай муносабат билдирди. Бу ҳақда euro-football.ru хабар беради.

Ўйин тугагач, Жиру жамоа олдида сўз олиб, вазиятдан чиқиш учун бирлашиш зарурлигини таъкидлади. «Ҳамма бир ёқадан бош чиқариши керак — клуб раҳбарияти, футболчилар ва мухлислар. Фақат биргаликда ҳаракат қилсак, бу мураккаб даврни енгиб ўтамиз», — дея унинг фикрларини derbyderbyderby.it келтирди.

Аввалроқ Жиру Лондоннинг «Арсенал»и ва Италиянинг «Милан»и сафида ҳам тўп сурган. Ҳозир «Лилл» Франция чемпионати турнир жадвалида бешинчи ўринда бормоқда.