Слуцкий бошқарувидаги «Шанхай Шенхуа» Осиё Чемпионлар лигасида яна ютқазди

Леонид Слуцкий бошқарувидаги «Шанхай Шенхуа» Осиё Чемпионлар лигасининг умумий босқич 6-турида сафардa «Санфречче Хиросима»га 0:1 ҳисобида имкониятни бой берди ва яна очкосиз қолди. Бу ҳақда euro-football.ru хабар беради.

Учрашувдаги ягона гол 78-дақиқада киритилди: мезбонлар сафида ҳимоячи Ҳаято Араки аниқ зарба билан жамоасига ғалаба олиб келди. Шу тариқа Хитой клуби ушбу турнирдаги кетма-кет учинчи мағлубиятини қабул қилди.

Олти турдан кейин «Шанхай Шенхуа» 4 очко билан жадвалда 11-ўринда бормоқда. «Хиросима» эса 11 очко жамғарган ҳолда учинчи поғонага жойлашган.