Жером Руссийон Франциянинг Лига 2 мусобақасига кўчиб ўтди

Гваделупада туғилган француз ҳимоячиси Жером Руссийон Германиядаги фаолиятидан сўнг яна Францияга қайтди. У сўнгги етти йилни Бундеслигада ўтказиб, аввал «Вольфсбург», кейин эса Берлиннинг «Унион» жамоаси сафида тўп сурди. Бу ҳақда euro-football.ru хабар беради.

33 ёшли футболчи эндиликда Франция иккинчи дивизиони вакили «Амьен» билан шартнома имзолади. Қизиқ томони, бундан аввал Руссийон Англиянинг «Чарльтон» клубида қисқа муддат бўлган: у кузда жамоага қўшилган бўлса-да, икки ой ичида Чемпионшипда бирор учрашувда майдонга тушмади.

2023 йилдан буён Жером Гваделупа терма жамоаси шарафини ҳимоя қилиб келмоқда: унинг ҳисобида 17 ўйин ва 2 гол бор.