Юрген Клопп ёшлар учун янги лига ғоясини илгари сурди
Германиялик машҳур мутахассис Юрген Клопп янги футбол турнирини йўлга қўймоқчи. Бу ҳақда Bild нашри журналистлари хабар берди. Бу ҳақда euro-football.ru хабар беради.
Манбага кўра, Клопп U21 ёш тоифаси учун алоҳида лига ташкил этишни режалаштирмоқда. Ушбу мусобақада иқтидорли ёш футболчилар Бундеслигада майдонга тушишдан олдин зарур тажриба тўплаши кўзда тутилган. Қайд этилишича, у лойиҳа старти бўйича бошқа футбол амалдорлари билан ҳам музокаралар олиб бормоқда.
Ҳозирда Юрген Клопп «Red Bull» тизимида футбол йўналиши раҳбари сифатида ишламоқда.
Аввалроқ Европа матбуотида Германиялик мураббий Мадриднинг «Реал» клубида бош мураббийлик лавозимини эгаллаши мумкинлиги ҳақида ҳам хабарлар тарқалган эди.