Александр Глеб «Барселона»ни Чемпионлар лигасининг фаворити деб айтди

Аввал «Барселона» сафида тўп сурган белоруслик собиқ футболчи Александр Глеб каталонияликларнинг жорий Чемпионлар лигасидаги ўйинлари ҳақида фикр билдирди. Бу ҳақда euro-football.ru хабар беради.

Глебнинг таъкидлашича, «Барселона» одатда ҳимояда муаммоларга дуч келади, бироқ жамоа ярим ҳимоя ва ҳужум чизиғидаги кучи эвазига натижани ўз фойдасига оғдира олади. У клубни ҳануз Чемпионлар лигасида ғалаба учун асосий даъвогарлардан бири деб ҳисоблайди.

Ҳозирда Ханс-Дитер Флик бошқарувидаги жамоа Чемпионлар лигаси турнир жадвалида 9-ўринда бормоқда ва 13 очко жамғарган.

Бугун, 28-январ куни «кўк-анорранглилар» ўз майдонида «Копенгаген»ни қабул қилади. Умумий босқичнинг 8-тур учрашуви 01:00 да (Тошкент вақти билан) бошланади.