Дели Алли Ла Лигадан тўртта клуб эътиборида турибди

Лондоннинг «Тоттенҳэм» клубида ўйнаган Дели Аллининг фаолиятини Испанияда давом эттириш эҳтимоли пайдо бўлди. Talksport журналистлари хабарига кўра, англиялик ярим ҳимоячига Ла Лигадан бир нечта жамоа қизиқиш билдирмоқда. Бу ҳақда euro-football.ru хабар беради.

Манбага кўра, Аллини сафига қўшиб олиш вариантини «Хетафе», «Севилья», «Элче» ва «Овьедо» кўриб чиқмоқда. Ҳозирда футболчи эркин агент мақомида, унинг сўнгги клуби Италиянинг «Комо» жамоаси бўлган.

Ўтган мавсум 29 ёшли хавбек А Серияда атиги битта ўйинда майдонга тушди. Италияга йўл олишидан аввал эса Алли Истанбулнинг «Бешикташ» клубида тўп сурган.