«Бока Хуниорс» клубида янги спорт директори иш бошлади

Аргентинанинг «Бока Хуниорс» клуби спорт директори лавозимига Марсело Делгадони тайинлаганини расман маълум қилди. У клуб президенти Хуан Рикелме билан яқиндан ҳамкорликда ишлайди. Жамоа тезкор кучайтиришларга муҳтож бўлиб, янги тандем таркибни мустаҳкамлаш устида иш олиб бориши кутилмоқда. Бу ҳақда euro-football.ru хабар беради.

Делгадо футболчилик фаолиятида ҳам тажрибали ном саналади: у 1995–2002 йиллар оралиғида Аргентина терма жамоаси сафида 18 та учрашув ўтказган ва 1998 йилги жаҳон чемпионатида ҳам иштирок этган. 2003 йилда эса у «Сантос» ҳужумчиси Рикардо Оливейра билан бирга Либертадорес кубогининг энг сермаҳсул тўпурари бўлган.