«Лечче» «Удинезе» устидан 90-дақиқада ғалабани суғуриб олди

Италия А Сериясининг 24-турида «Лечче» ўз майдонида «Удинезе»ни қабул қилди ва драматик якунга кўра 2:1 ҳисобида зафар қучди. Бу ҳақда euro-football.ru хабар беради.

Учрашувнинг 5-дақиқасида рақиб ярим ҳимоячиси Йеспер Карлстрём хатосидан кейин Омри Ганделман ҳисобни очди. 26-дақиқада эса Умар Соле пенальтини аниқ ижро этиб, дарвозабонни чалғитди ва мувозанатни тиклади — 1:1.

Ўйин охирига яқин Конан Н’Дри узоқ масофадан зарба бериб, бироз аниқлик етишмади. Бироқ 90-дақиқада Ламек Банда жарима зарбасидан тўпни аниқ «тўққизлик»ка жойлаб, «Лечче»га ғалаба келтирди — 2:1.

Ушбу натижа «Лечче»нинг ғалабасиз сериясига якун ясади ва жамоа қуйи лигага тушиб кетиш зонасидан 3 очкога узоқлашди. «Удинезе» эса турнир жадвалида 8-ўринни бўлишиб турибди.